إذاعة صوت سيدني

العناوين

إسرائيل نقلت للحكومة اللبنانية عبر مسؤولين أميركيين ووسطاء إقليميين ضرورة أن تلتزم الحكومة بما وقعت عليه وتعهدت به من التزامات وفق اتفاق واشنطن وأن تبدأ بتطبيقه على أرض الواقع عبر الجيش اللبناني، لا سيما في المناطق التجريبية، ونزع سلاح حزب الله تحت إشراف أميركي، وإلا فإن الجيش الإسرائيلي سيقوم بالمهمة بنفسه.

كتب النائب غسان عطاللّه عبر “أكس”

إخلاء سبيل فضل شاكر يمكن قانوناً ما يعني براءة، بس سياسياً وأخلاقياً الرسالة كارثية

شو بدكن تقولوا لأهالي شهداء الجيش؟ شو بدكن تقولوا للأم اللي دفنت ابنها ببدلته العسكرية؟ إنو دمّه صار تفصيل؟ وإنو اللادولة بتمحي كل شي؟
وبأي وجه عم تطلعوا كل يوم تحكوا عن ضرورة تقوية الجيش ودعمه وتعزيز دوره؟ كيف بدكن تطلبوا من شباب لبنان يفوتوا عالسلك العسكري، إذا اللي حرّض على الجيش وارتبط اسمه بالأحداث اللي استشهد فيها عسكريون صار خارج السجن؟

ونفس المشهد بالجنوب. جنود وضباط من الجيش اللبناني اغتالتهم إسرائيل، وبنود واتفاقات بتمنع أو بتعطّل أي محاسبة فعلية. يعني لا اللي قتل من الداخل تحاسب، ولا اللي قتل من الخارج تحاسب

شو الرسالة اللي عم توصل لكل عسكري؟ إنو دمّك مباح؟ وإنك إذا استشهدت، بتصير مجرد رقم وخبر بينطوى؟

هيبة الجيش ما بتكون بالخطابات والشعارات، ولا بالتصفيق. هيبة الجيش بتكون لما يكون دم العسكري خط أحمر، ولما يعرف كل مين اعتدى على الجيش أو حرّض عليه إنو المحاسبة ما بتسقط، وكرامة الشهداء ما بتنشال عن الرف مع مرور الوقت